“İnter” öz rekordunu təkrarladı

İtaliya çempionatının 30-cu turunun “İnter” – “Empoli” oyunu keçirilib.

Allsport.az xəbər verir ki, görüş milanlıların 2:0 hesablı qələbəsi ilə yekunlaşıb. Simone İnzaqinin komandası ilk 30 liqa oyununda 25 qələbə qazanıb – tarixlərində ikinci dəfə.

Bu, ilk dəfə 2006/07 mövsümündə, milanlılara Roberto Mançininin rəhbərlik etdiyi vaxt baş verib.

“İnter” 79 xalla “A” seriyasının turnir cədvəlinə başçılıq etməyə davam edir. Milanlılar növbəti mövsüm üçün çempionlar liqasına vəsiqə qazanıb.