“İnter”in 2-ci ulduzu

“İnter” klub embleminin üstündə ikinci ulduzu yerləşdirə biləcək.

Allsport.az xəbər verir ki, bu, 2023/24 mövsümündə İtaliya çempionatının qalibi olduqdan sonra mümkün olub.

Neradzurrilər üçün bu çempionat tarixdə 20-ci çempionluq olub. 10 kubokdan sonra ilk ulduzu əlavə etmək hüququ qazanan “İnter” indi ikinci ulduzu əlavə edə biləcək.

33-cü turun matçında “İnter” derbidə “Milan”ı məğlub edərək (2:1) qızıl medalları vaxtından əvvəl təmin edib.