İsrafilov baxdı, komandası 2-ci oyunda da qalib gəldi

İspaniya La Liqasında ikinci turun oyunları keçirilib. Allsport.az xəbər verir ki, Azərbaycan yığmasının yarımmüdafiəçisi Eddi İsrafilovun komandası – “Eybar” da növbəti matçına çıxıb.

Sözügedən klub doğma meydanda “Atletik”lə qarşılaşıb. Matç futboçumuzun komandasının inamlı qələbəsi ilə başa çatıb – 2:0. İsrafilov matçı sonadək ehtiyat oyunçular skamyasından izləyib.

Qeyd edək ki, “Eybar” hazırda 6 xalla turnir cədvəlinin ikinci pilləsində qərarlaşıb.