Eddi İsrafilov yenə oynamadı, komandası qələbə qazandı

İspaniya La Liqasında 26-cı turun oyunları keçirilib. Allsport.az xəbər verir ki, Azərbaycan yığmasına namizəd futbolçu Eddi İsrafilovun komandası – “Qranada” da növbəti matçına çıxıb.

Sözügedən komanda doğma arenada “Malaqa” ilə üz-üzə gəlib. Görüş meydan sahiblərinin 1:0 hesablı qələbəsi ilə başa çatıb. İsrafilovun adı yenə matçın iştirak ərizəsində yer almayıb.

Qeyd edək ki, “Qranada” hazırda 22 xalla turnir cədvəlinin 19-cu pilləsində qərarlaşıb.