Kamran Ağayevin “Mlada”ya keçidi rəsmiləşdi, adı avroliqanın iştirak ərizəsinə daxil edildi

Millimizin əsas qapıçısı Kamran Ağayevin yeni komandasının adına rəsmən aydınlıq gəlib. Allsport.az saytı xəbər verir ki, təcrübəli qolkiper Çex Respublikasının 1-ci liqasında mübarizə aparan “Mlada Boleslav” klubuna keçib.

31 yaşlı əlcək sahibi ilə 1+1 illik müqavilə bağlanılıb. O, 30 nömrəli forma ilə çıxış edəcək. Həmyerlimizin son oynadığı klub Portuqaliya “Boavişta”sı olub.

Bu arada Kamran Ağayevin adı UEFA-ya sifariş edilib. “Mlada Boleslav” Avropa liqasının 3-cü təsnifat mərhələsində Albaniyanın “İskəndərbəy”inə rəqibdir.