Kara Mboc: “Qarabağ”la oyunu qazanmaq məcburiyyətindəyik

Avroliqanın qrup mərhələsinin sonuncu turunda doğma meydanda “Qarabağ”ı qəbul edəcək “Anderlext”in yarımmüdafiəçisi Kara Mboc yerli mətbuata açıqlama verib.

Allsport.az saytı xəbər verir ki, seneqallı futbolçu Belçika çempionatının bu turunda “Genk”lə 0:0-lıq heç-heçədən narazı qalaraq bu xal itkisini “Qarabağ” üzərində qələbə qazanaraq unutdurmağa çalışacaqlarını bildirib:

“Biz səfərə 3 xal üçün yollanmışdıq. Amma heç-heçə etdik. Çox məyusuq. Son nöqtəni qoymaqda əziyyət çəkirdik. Bu qarşılaşmadakı xal itkisinin Avroliqada qələbə qazanmaqla sığorta edə bilərik. “Qarabağ”la oyunu qazanmaq məcburiyyətindəyik. Başqa yolumuz yoxdur”.