Kirilo Petrov: Bu heç-heçə çempionluq mübarizəmizə təsir göstərməyəcək

“Neftçi”nin futbolçusu Kirilo Petrov “Səbail”lə oyunu dəyərləndirib. Allsport.az saytı xəbər verir ki, ukraynalı müdafiəçi heç-heçənin çempionluq uğrunda mübarizəsinə təsir göstərməyəcəyini bildirib:

“Biz bu gün 2 xal itirdik. Çox təəssüf ki, bu, səhvlərimiz nəticəsində baş verdi. Bununla belə, düşünmürəm ki, bu heç-heçə bizim çempionluq uğrunda mübarizəmizə təsir göstərəcək. Məncə, mübarizə hələ qarşıdadır”.