“Köhlən atlar”ın rəqibi “Vulverhempton”dan hücumçu alıb

Konfrans liqasının pley-ofunda “Qarabağ”ın rəqibi “Aberdin” hücum xəttini gücləndirib. Allsport.az saytı xəbər verir ki, “Vulverhempton”un oyunçusu Austin Samuelsi 1-mövsümlük icarəyə götürülb.

Müqavilənin sonunda klubun 20 yaşlı hücumçunu satın almaq hüququ da var. O, son mövsümü icarə əsasında İngiltərənin digər klubu “Bredford Siti”də keçirib.

“Qarabağ” Bakıda ilk oyunda 1:0 hesabı ilə qalib gəlib. Komandaların Şotlandiyada cavab görüşü avqustun 26-da olacaq.