“Komandam özünə inam və xarakter nümayiş etdirdi”

“Roma”nın baş məşqçisi Can Pyero Qasperini Avropa liqasının ilk turunda “Nitsa” üzərində 2:1 hesablı qələbəni şərh edib.

Allsport.az xəbər verir ki, italiyalı mütəxəssis komandasının yaxşı oynadığını bildirib: “Avrokuboklarda səfərdə qalib gəlmək asan deyil, amma komandam özünə inam və xarakter nümayiş etdirdi. Bəli, yəqin ki, ilk hissədə o qədər də təhlükəli olmadıq, amma matç 90 dəqiqə davam edir”.

Avropa liqasının ikinci turunda “Nitsa” “Fənərbağça”, “Roma” isə “Lill”lə qarşılaşacaq. Hər iki qarşılaşma oktyabrın 2-də keçiriləcək.