Konate üçün son təklif

“Liverpul” Fransa millisinin müdafiəçisi İbrahima Konateyə 2026-cı ilin yayına qədər müqaviləsini uzatmaq üçün son təklifini verib.

Allsport.az xəbər verir ki, klub maliyyə şərtlərinin uyğun olduğuna inanır və yaxın həftələrdə 26 yaşlı oyunçudan cavab gözləyir.

İbrahima “Liverpul”un təklifini qəbul edərsə, klubun ən çox maaş alan oyunçularından biri olacaq.

Konate hələ “qırmızılar”da oynamağa davam edib-etməyəcəyinə, yoxsa “Real Madrid”ə pulsuz transfer olmağa çalışacağına qərar verməyib.