Lasina Traore: Qrupda ilk qələbəmizi «Qarabağ» üzərində qazanmaq istəyirik

Avroliqanın qrup mərhələsinin 3-cü turunda təmsilçimiz «Qarabağ» səfərdə «Monako»nun qonağı olacaq. Allsport.az saytı xəbər verir ki, rəqibin hücumçusu Lasina Traore oyun öncəsi mətbuat konfransında öz fikrini bildirib:

«Qarabağ»ı məğlub edərək qrupda ilk qələbəmizi qazanmaq istəyirik. Bizi çətin qarşılaşma gözləyir, ancaq bu oyunda xal itirmək fikrimiz yoxdur. Yalnız 3 xal üçün meydana çıxacağıq.

Zədəmi sağaltdıqdan sonra özümü daha yaxşı hiss edirəm. Sabah əlimdən gələni edəcəm ki, komandama kömək edim».

Qeyd edək ki, «Monako» — «Qarabağ» matçı bu gün saat 22:00-da start götürəcək.