Lionel Messi het-trik etdi

Argentina öz meydanında Kürasaoyanı qəbul edib.

Allsport.az xəbər verir ki,  komandaların yoxlama görüşündə ev sahibləri 7:0 hesabı ilə qalib gəlib.

Matçın 20-ci dəqiqəsində PSJ-nin hücumçusu Lionel Messi hesabı açıb. 3 dəqiqə sonra Nikolas Qonzales 2-ci qolu vurub (23-cu dəq.). 33-cü dəqiqədə Messi dubla imza atıb (3:0). “Çelsi”nin futbolçusu Enzo Fernandes 35-ci dəqiqədə Messinin ötürməsindən sonra fərqlənib. Messi 2 dəqiqə sonra (37-ci dəq.) özünün 3-cü qoluna imza atıb (5:0).

Anxel di Mariya 78-ci dəqiqədə penaltidən fərqlənib. 87-ci dəqiqədə Qonsalo Montiel tabloda yekun hesabı müəyyənləşdirib (7:0).

Lionel Messi 2005-ci ildən Argentina millisinə çağırılıb. Komanda o, kapitan olarkən 2022-ci ildə Qətərdə keçirilən dünya kubokunu qazanıb. Hücumçu mundalın ən yaxşı oyunçusu seçilib.