Milan Obradoviç: Sumqayıt”da gənclərə daha çox fürsət verilir

Təlim-məşq Ankaranın Qızılcahamam bölgəsində davam etdirən “Sumqayıt” ın qonağı U-21 yığmamızın baş məşqçisi Milan Obradoviç də olub. Allsport.az saytı xəbər verir ki, o, hazırlıq barədə bunu deyib: 

“Bir neçə gün ərzində Türkiyədə oldum. Ankaranın Qızılcahamam bölgəsində klublarımızın məşqçi heyəti ilə görüşdüm, məşq proseslərini izlədim. Əsas məqsədim U-21 millimizin futbolçularının hazırkı durumunu öyrənmək idi. “Sumqayıt”a gəldikdə isə bu klubun 2 məşqini meydançadan canlı izlədim.

Məni maraqlandıran o idi ki, U-21-in futbolçuları hansı mövqedə özlərini daha yaxşı göstərir. Bu barədə klubun baş məşqçisi ilə də söhbətim oldu. Ümumilikdə futbolçuların zəif və güclü tərəflərini izləməyə çalışdım. “Sumqayıt” klubu olduqca intensiv və dinamik məşqlər edir, özlərini maksimum şəkildə göstərməyə çalışırdılar. 

Burada məni çox sevindirən bir sıra məqamlar oldu. Gənclər daha təcrübəli futbolçulardan nələrisə öyrənməyə çalışırdılar. Bu komandada gənc futbolçuların sayı digərlərinə nisbətən daha çoxdu və gənclərin ilk 11-lik üçün var qüvvə ilə çalışdığını gördüm ki, bu da məni çox sevindirdi. Bütün gənclər dərk edir ki, artıq bura nə U-19 liqası, nə də əvəzedicilərin çempionatıdı. Onlar daha çox öz üzərlərində işləyib, əsas komandanın əsas üzvünə çevrilməyə çalışmalıdılar.

Baş məşqçi Ayxan Abbasov ilə fikir mübadiləsi apardım. O da heyətdə yer alan gənclərə inandığını, onların daha səylə çalışdığını bildirdi. Komandanın strategiyası məni çox qane edir. Çünki, “Sumqayıt”da gənc futbolçulara daha çox fürsət verilir. Bu da milli komandamızın xeyrinə olan amillərdəndi”.

Həmin kateqoriyadan