Militaonun durumu açıqlandı

“Real Madrid” 27 yaşlı braziliyalı müdafiəçi Eder Militaonun durumu barədə məlumat yayıb.

Allsport.az xəbər verir ki, Militao Braziliyanın Tunislə keçirilən yoldaşlıq matçında zədələnib və görüşün 60-cı dəqiqəsində əvəzlənib.

Klubun mətbuat xidmətinin məlumatında deyilir:

“Bu gün “Real Madrid”in tibbi xidməti tərəfindən aparılan müayinə nəticəsində oyunçumuz Eder Militaoda sağ ayağının böyük yaxınlaşdırıcı əzələsinin zədələnməsi diaqnozu qoyulub. Sonrakı xəbərlər daha sonra dərc olunacaq.”