Millimizin sabiq forvardı debüt matçında qol vurdu

Serbiya çempionatında 5-ci turun oyunları keçirilib. Allsport.az xəbər verir ki, Azərbaycan yığmasının sabiq hücumçusu Branimir Subaşiçin komandası – “OFK Belqrad” da növbəti matçına çıxıb.

Paytaxt təmsilçisi doğma meydanda “Radnik”lə qarşılaşıb. Matç futbolçumuzun komandasının 3:0 hesablı qələbəsi ilə başa çatıb. Branimir matçın 67-ci dəqiqəsində meydana çıxıb. Bununla da yeni klubunda debüt edən Subaşiç 74-cü dəqiqədə qol da vurmağa nail olub və matçın yekun nəticəsini müəyyənləşdirib.

Qeyd edək ki, “OFK Belqrad” hazırda 6 xalla 16 klub arasında 10-cu pillədə qərarlaşıb.