“Neftçi” başladı

“Neftçi” hazırlığı bərpa edib. Allsport.az saytı xəbər verir ki, bir günlük fasiləyə buraxılmış komanda bu gün öz bazasında məşqə çıxıb. 

Məşqdə millidən qayıtmış futbolçulardan Emin Mahmudov da iştirak edib. Digər üzvlər – Səlahət Ağayev, Anton Krivotsyuk və Ömər Buludov sabahdan məşqlərə qoşulacaqlar. Müalicəsini başa vurmuş Soni Mustivar isə fərdi hazırlaşıb. Hazırlıq sabah bir məşqlə davam edəcək.

Xatırladaq ki, sentyabrın 15-də Tofiq Bəhramov adına respublika stadionunda “Qarabağ” – “Neftçi” oyununa saat 20:30-da start götürəcək.