“Onun qidalanması ilə şəxsi dietoloq məşğul olurdu”

“Əl-Nəsr”in keçmiş müdafiəçisi Aleks Telles klubun hücumçusu Kriştiano Ronaldonun komandada necə yemək yediyindən danışıb.

Allsport.az xəbər verir ki, o, portuqalıyalı futbolçunun yeməyinə çox diqqət etdiyini söyləyib:

“Onun yeməyi digər komandadakı oyunçuların yeməyindən fərqli idi. Onun qidalanması ilə şəxsi dietoloq məşğul olurdu. Ronaldo çoxlu təbii məhsullar yeyir və o, həmişə başqalarının boşqablarında olanlara baxır. Hətta desert götürməyə belə qorxurduq. Ronaldo bədəninə qulluq etməyi xoşlayır. Biz ondan nümunə götürməyə çalışırdıq”.