“Oyuna daha sakit yanaşırıq, soyuqqanlı olmağa çalışacağıq”

Çempionlar liqasının pley-off mərhələsinin “Qarabağ” – “Ferensvaroş” (Macarıstan) oyunundan əvvəl komandamızın müdafiəçisi Bəhlul Mustafazadənin iştirakı ilə mətbuat konfransı keçirilib.

Allsport.az xəbər verir ki, 28 yaşlı futbolçu oyunun mahiyyətinin fərqində olduqlarını deyib: “Hazırlıqlarımızı buna uyğun tamamlamışıq. Sabah bizi ilk matçdan da çətin oyun gözləyir. Amma görüşə hazırıq. Əlimizdən gələni edəcəyik ki, uğurlu nəticə əldə edək. Oyuna daha sakit yanaşırıq, soyuqqanlı olmağa çalışacağıq”.