“Özümü yaxşı hiss edirəm”

Paulo Dibala Səudiyyə Ərəbistanı çempionatına keçməkdən niyə imtina etdiyini açıqlayıb.

Allsport.az xəbər verir ki, daha əvvəl argentinalının “Əl-Qadisiya”nın ümumi məbləği 75 milyon avro olan 3 illik müqavilə təklifini rədd etdiyi bildirilirdi.

– 75 milyon avrodan niyə imtina etdiniz?

“Hər kəs yalnız buna baxır, amma mən qərar verərkən bir çox başqa amilləri nəzərə almışam. Ailəm, xüsusən də həyat yoldaşım, şəhər, komanda və milliyə qayıtmaq istəyi də mənə təsir etdi: 30 yaşım var, zədələrimə görə çox tənqidlər eşitsəm də, özümü yaxşı hiss edirəm”.