Özündən 10 yaş kiçik xanımla – FOTO

“Bavariya”nın əfsanəvi futbolçusu Tomas Müller uzunmüddətli evliliyindən sonra yeni münasibətə başlayıb.

Allsport.az xəbər verir ki, ötən ay 36 yaşlı almaniyalı futbolçunun həyat yoldaşı Liza ilə 17 illik nikahdan sonra boşandığı məlum olub.

Ailə vəkili Kristian Şerts həmin vaxt açıqlamasında bildirib: “Cütlük bir müddət əvvəl sakit şəkildə ayrılıb. Bununla bağlı başqa açıqlama verilməyəcək”.

Almaniya millisinin sabiq üzvü özündən 10 yaş kiçik fransalı İv Rouz Bitbol ilə görüşür. 26 yaşlı xanımla münasibətə başlayan futbolçu yaxın günlərdə ABŞ-ın Nyu Cersi ştatında birlikdə olub. Müller burada dünya çempionatının finalı zamanı Almaniya televiziyasında futbol eksperti kimi çalışıb.