“PSJ Avropanın ən yaxşı komandasıdır”

“Mançester Siti”nin baş məşqçisi Enzo Mareska UEFA çempionlar liqasının liqa mərhələsində PSJ ilə keçiriləcək oyun barədə fikirlərini bölüşüb.

Allsport.az xəbər verir ki, italiyalı mütəxəssis Paris təmsilçisinin hazırda Avropanın ən güclü komandası olduğunu bildirib:

“Qarşıdakı oyun üçün tapşırıq sadədir. Bizə ideal oyun lazımdır, çünki hazırda onlar Avropanın ən yaxşı komandasıdır. PSJ son iki çempionlar liqası turnirinin qalibi olub. Bu da onların nə qədər güclü olduğunu göstərir.

İdeal oyun nümayiş etdirməliyik. Bununla belə, ən yaxşı səviyyəmizdə çıxış etsək, onları məğlub edə bilərik.

Düşünürəm ki, biz də yaxşı komandayıq və buna heç bir şübhə yoxdur. Hazırda PSJ ilə müqayisədə hansı səviyyədə olduğumuzu isə dəqiq bilmirəm. Onların nə qədər güclü olduqlarını bilirəm. Son iki ildə çempionlar liqasının hər iki turnirində qalib gəliblər. Bizim onlara nə qədər yaxın və ya uzaq olduğumuzu deyə bilmərəm, amma yaxşı komanda olduğumuza əminəm.

Bir çox məqamı yaxşılaşdırmalıyıq. Həm hücumda, həm də müdafiədə oynama tərzimizi inkişaf etdirməliyik”.