“Qarabağ” avrokubokda 100-cü qolunu o vurdu

“Qarabağ” avrokuboklarda 100-cü qolunu vurub. Allsport.az saytı xəbər verir ki, bu, Ağdam klubunun çempionlar liqasının ilk təsnifatında Albaniya çempionu “Partizani” ilə cavab matçına təsadüf edib.

“Köhlən atlılar”ın 2:0 qazandığı qarşılaşmada hesabı açan Filip Ozobiç 99-cu qolun müəllifi olubsa, 100-cü qolun sevincini Dani Kintana yaşayıb. Özü də o, bu topu meydana çıxandan dərhal sonra vurub.

Səfərdə “Partizani”ylə qolsuz heç-heçəyə razılaşan “Qarabağ” bu qələbə sayəsində növbəti mərhələyə vəsiqə qazanıb.