“Qarabağ” konfrans liqasında bütün klubları qabaqladı

Konfrans liqasının qrup mərhələsinin III turundan sonra statistik göstəricilər açıqlanıb.

Allsport.az xəbər verir ki, “Qarabağ” 3 oyundan sonra turnirdə topa ən çox nəzarət edən klubdur.

Ağdam təmsilçisi 64 faiz göstərici ilə bu nominasiyada liderdir.

Niderlandın AZ (59.7) komandası 2-ci, Çex Respublikasının “Slaviya” (Praqa) (58,7) klubu isə 3-cü sıradır.

Bundan əlavə, “köhlən-atlar” 3 qarşılaşmada 84,7 faiz dəqiq ötürmə ilə oynayıb. Qurban Qurbanovun baş məşqçi olduğu komanda bu göstəricidə 5-cidir.

Azərbaycan təmsilçisi bütün görüşlərdə 54 dəfə qol epizodu yaradıb ki, bu da turnirdəki komandalar arasında 3-cü nəticədir.