“Qarabağ” qitənin TOP-20-liyində

Avropa kuboklarının ardıcıl qrup mərhələlərində mübarizə aparan 20 klub müəyyənləşib. Allsport.az saytı xəbər verir ki, bu haqda jurnalist Rasim Mövsümzadə apardığı statistikaya əsasən paylaşım edib.

Həmin 20 klub sırasında Azərbaycan təmsilçisi “Qarabağ” da var. Ağdam klubu 2014-15 mövsümündən başlayaraq, ardıcıl 8 mövsümdür ki, avrokubokların qruplarında (Avropa liqası (6), çempionlar liqası (1) və konfrans liqası (1) çıxış edir.

Bu nəticəyə görə, Qurban Qurbanovun komandası “Roma” ilə birgə 19-20-ci yerləri bölüşdürür.