“Qarabağ”ın ÇL-də növbəti 2 ehtimal rəqibi

Premyer liqada çempionluğu rəsmiləşdirən “Qarabağ”ın 2024-25 mövsümündə çempionlar liqasının I təsnifat mərhələsində daha 2 potensial rəqibi müəyyənləşib.

Allsport.az xəbər verir ki, buna Qazaxıstan və Litva çempionatlarında qızıl medalçının səbətinin bəlli olması ilə aydınlıq gəlib.

“Panevejis” və “Ordabaşı”nin püşkatma zamanı səpələnməmişlərdə yer alacağı dəqiqləşib. Bu da o deməkdir ki, püşkdə güclülərin səbətində qərarlaşacaq “Qarabağ” adları çəkilən komandalara rəqib ola bilər.

Daha əvvəl İslandiya klubu “Vikinqur”un Ağdam təmsilçisinin mümkün rəqibi olacağı bilinirdi.