“Qarabağ”ın idarə heyətinin üzvü Avropa klublar birliyində yüksək vəzifəyə seçildi

“Qarabağ”ın idarə heyətinin üzvü Asif Əsgərov (şəkildə sağdan 2-ci) Avropa klublar birliyinin (ECA) qərarverici orqanı olan icraiyyə şurasına üzv seçilib.

Allsport.az saytı xəbər verir ki, o, Berlində təşkil olunan assambleyasında seçkidə klubların səs çoxluğunu qazanaraq, 2023-2027-ci illər üçün bu qurumda təmsil olunmaq hüququ əldə edib.

Bununla da, həmyerlimiz beynəlxalq nüfuzlu futbol qurumlarının rəhbər və qərarverici orqanlarında təmsil olunan ilk azərbaycanlı olub.

AKB özündə qitənin 500-dək klubunu birləşdirir. Azərbaycandan həmin təşkilatda “Qarabağ”, “Qəbələ”, “Neftçi” və “Sumqayıt” təmsil olunur.