“Qarabağ”ın matçında serbiyalı hakimlər

Çempionlar liqasının 3-cü təsnifat mərhələsində keçiriləcək “Qarabağ” – “Mölde” (Norveç) oyununun hakimləri müəyyənləşib. Allsport.az xəbər verir ki, qarşılaşmanı serbiyalı hakimlər briqadası idarə edəcək.

Matçın baş hakimi Srdyan Yovanoviç olacaq. Ona yerliləri – Uroş Stoykoviç və Milan Mihayloviç kömək edəcəklər. Dördüncü hakim funksiyasını Novak Simoviç yerinə yetirəcək.

Sentyabrın 16-da Kiprin Larnaka şəhərində baş tutacaq oyun Bakı vaxtı ilə 21:00-da başlayacaq.