FOTO

“Qarabağ”ın “Mölde” ilə oyunu bu stadionda

“Qarabağ”ın çempionlar liqasının 3-cü təsnifat mərhələsində Norveçin “Mölde” klubu ilə oyunu Kiprin Larnaka şəhərindəki “AEK Arena”da baş tutacaq. Allsport.az xəbər verir ki, stadion 2015-2016-cı illərdə inşa olunub.

Arenanın açılışı 2016-cı ilin oktyabrın 17-də baş tutub. Stadionun inşası 10 milyon avroya başa gəlib və tutumu 7 400 azarkeşdir. 

Stadion AEK-in sabiq prezidenti Andros Karapatakisin atası George Karapatakisin şərəfinə “AEK Arena- George Karapatakis” da adlanır.

Meydanın ot örtüyü təbiidir. Stadionda AEK və ALİS klubları ev oyunlarını keçirirlər. 

Arena 2017-ci il iyunun 29-da ilk dəfə avrokubok matçını qəbul edib. AEK həmin qarşılaşmada Cəbəllütariqin “Linkoln Red İmps” klubuna 5:0 hesabı ilə qalib gəlib.

Sentyabrın 16-da oynanılacaq “Qarabağ” – “Mölde” görüşü Bakı vaxtı ilə saat 21:00-da başlayacaq.