“Qarabağ”ın oyununda terror təhdidi! Stadionlarda təhlükəsizlik tədbiri gücləndirilib

Bir müddət əvvəl Böyük Britaniyanın xüsusi xidmət orqanları müttəfiqi İsveç krallığına terror təhlükəsi haqqında xəbər ötürüb.

Allsport.az saytının məlumatına görə, ingilislərin rəsmi Stokholma ötürdüyü bilgiyə dərhal tutarlı cavab verən hökümət, buna qarşı tədbirləri gücləndirərək, bütün ölkədə 5 ballıq dəyərləndirməylə 4 bal (çox təhlükəli təhdid) terror təhlükəsi bildirib.

Buna qarşı ciddi tədbirlər həyata keçirən rəsmi İsveç, təhdidin uzun müddət davam edəcəyini rəsmən bəyan edib.

Bu səbəblərdən dolayı, Avropa liqasının 2-ci turunda “H” qrupunda oktyabrın 5-də keçiriləcək “Hakken” -“Qarabağ” qarşılaşmasında da ciddi təhlükəsizlik tədbirləri həyata keçiriləcək. Klubun rəsmi saytı təhlükə barədə məlumat paylaşıb və 40×40×20 sm həcmindən böyük çantaların “Ullevi” arenaya buraxılmayacağın bildirib.

Mansur DADAŞOV, İsveç