“Qarabağ”ın yeni transferi: Müdafiənin hər 2 cinahında oynamağı bacarıram

“Qarabağ”ın yeni futbolçusu Faysal Rerras açıqlama verib. Allsport.az saytı xəbər verir ki, 26 yaşlı müdafiəçi keçidi haqda bunu deyib: “Çox möhtəşəm bir kluba gəlmişəm. İnfrastrukturla tanış oldum, hər şey yüksək səviyyədədir. Belə bir kluba gəldiyim üçün çox həyəcanlıyam. Müdafiənin həm sağ, hər sol cinahlarında çıxış edə bilərəm. Hətta yarımmüdafiə xəttində də oynamışam.

Hansı mövqedə oynamağımdan asılı olmayaraq, komandama fayda vermək üçün əlimdən gələni edəcəyəm. “Qarabağ” haqqında məlumatım vardı, avrokuboklarda oyunların izləmişdim. Fransa klublarıyla oynayan zaman da klub haqda daha çox məlumatım oldu. Azarkeşlər meydanda döyüşkən, sona qədər mübarizə aparan futbolçu görəcəklər”.

“Qarabağ” Rerrası Fransanın “Bezye” klubundan transfer edib. Mərakeşli futbolçu ilə 2-illik sözləşilib.

Həmin kateqoriyadan