Qurban Qurbanov: “Onun adı siyahımızda yoxdur”

“Qarabağ”ın baş məşqçisi Qurban Qurbanov “Bakı”nın hücumçusu Nurlan Novruzova təklif göndərmələri ilə bağlı yayılan xəbərə münasibət bildirib. Allsport.az xəbər verir ki, o, qol.az saytına açıqlamasında yayılan xəbəri təkzib edib:

“Biz bu futbolçuya təklif irəli sürməmişik. Ümumiyyətlə, onun adı bizim transfer siyahımızda yoxdur”.

Qeyd edək ki, Novruzov son müsahibələrinin birində “Qarabağ”, “Qəbələ” və “Neftçi”dən təklif aldığını deyib.