Qurban Qurbanov: “Şerif” bu mövsümə olduqca ciddi hazırlaşır

“Qarabağ” çempionlar liqasının 3-cü ələməsində Moldovanın “Şerif” klubu ilə qarşılaşacaq. Allsport.az saytı xəbər verir ki, komandamızın baş məşqçisi Qurban Qurbanov rəqib barəsində bunu deyib:

““Şerif” uzun müddətli Avropa təcrübəsinə malik bir komandadır. Rəqibimiz demək olar ki, hər mövsüm avrokuboklarda mübarizə aparır. Komandanın heyətində çoxlu legionçular yer alır və heyəti yeniləyiblər. Bu da onu göstərir ki, “Şerif” bu mövsümə olduqca ciddi hazırlaşır.

Komandaya italiyalı baş məşqçi rəhbərlik edir və adətən belə komandalar yüksək nizam-intizama malik olurlar. Bizi heç də asan olmayan iki oyun gözləyir. Amma nəticə qazanmaq üçün meydanda ən yaxşısını etməyə çalışacağıq”.