Qurban Qurbanova mükafat

“Qarabağ”ın baş məşqçisi Qurban Qurbanovun ilin ən yaxşı məşqçisi seçilməsinə görə mükafatlandırma mərasimi baş tutub. Allsport.az saytı xəbər verir ki, 11-ci dəfə ilin ən yaxşı baş məşqçisi seçilən Qurbanova mükafatı təqdim olunub. Mükafatı Qurbanova komanda.az-ın baş redaktoru Rəşad Ərgün təqdim edib.

Bu saytının jurnalistlər arasında keçirdiyi ənənəvi sorğuda “Qarabağ”ın baş məşqçisi Qurban Qurbanov qalib olub. 67 jurnalistin qatıldığı sorğuda Qurbanov digər namizədləri böyük fərqlə geridə qoyaraq, 2021-ci ilin ən yaxşı məşqçisi seçilib. O, 58 səs toplamaqla birinci olub. Bununla da, Qurbanov 11-ci dəfə Azərbaycanda ilin ən yaxşı məşqçisi seçilib.