“Rəşad Əhmədovun bizə qərəzi var”

Bu gün premyer liqanın 26-cı turunda “Araz-Naxçıvan” səfərdə “Turan Tovuz”a 0:2 uduzdu. Allsport.az saytı xəbər verir ki, mətbuat konfransında qonaqların baş məşqçisi Azər Bağırov məğlubiyyətə aydınlıq gətirdi:

“Hakimlikdən narazıyam. 2-ci hissənin 65-ci dəqiqəsində rəqib futbolçu dirsəklə bizim oyunçunun vurdu, amma baş hakimin fiti susdu.

Biz gənc komandayıq. Bu üzdən bizi sıxırlar. Rəşad Əhmədovun bizə qərəzi var. Baş hakimi VAR-a çağırırlar, ancaq o getmir, bunu lazım bilmir.

“Zirə” ilə oyunda da bu referi bizə qarşı olmuşdu. Təzədən onu niyə bu görüşə təyin edirlər?”