Ramin Musayevin çempionatında ən aşağı göstərici

Ramin Musayevin rəhbərlik etdiyi premyer liqanın 10-cu turu aşağı məhsuldarlıqla diqqət çəkib. Allsport.az saytı xəbər verir ki, turun 4 qarşılaşmasında cəmi 6 qol vurulub. Bunun yarısı “Qəbələ” – “Sabah” görüşünə təsadüf edib – 2:1.

“Qarabağ” – “Sumqayıt” oyununda (2:0) 2, “Keşlə” – “Neftçi” matçında (0:1) 1 top qeydə alınıb. “Zirə” – “Səbail” qarşılaşması isə 0:0 hesabı ilə nəticələnib.

Turun orta məhsuldarlığı 1,5-ə bərabər olub. Bu, cari mövsümün iki ən aşağı göstəricisindən biridir. Belə ki, sentyabrın 14-16-da keçirilən 4-cü turda məhsuldarlıq daha aşağı olub. Bir oyununun nəticəsi ləğv olunan və texniki nəticəylə yekunlaşan turun digər 3 qarşılaşmasında cəmi 4 top qeydə alınıb.