Ronaldunun oğlundan debüt

Portuqaliya millisinin hücumçusu Kriştianu Ronaldunun böyük oğlu Kriştianu Ronaldu 16 yaşadək milli komandada debüt edib.

Allsport.az xəbər verir ki, 15 yaşlı yarımmüdafiəçi Türkiyədə keçirilən turnirdə Portuqaliyanın Türkiyə üzərində 2-0 hesablı qələbə qazandığı oyunun 90-cı dəqiqəsində meydana daxil olub.

Ronaldu 15 yaşadək Portuqaliya millisinə dəvət almış və dörd yoldaşlıq oyununda iki qol vurmuşdu.

Portuqaliyanın Türkiyədəki turnirdəki növbəti oyunları Uels və İngiltərə ilə olacaq.