Subaşiç 90 dəqiqə oynadı, komandası məğlubiyyətlə üzləşdi

Serbiya Super Liqasında 6-cı turun oyunları keçirilib. Allsport.az xəbər verir ki, Azərbaycan yığmasının sabiq hücumçusu Branimir Subaşiçin komandası – “OFK Belqrad” da növbəti matçına çıxıb.

Sözügedən klub səfərdə “Yavor”la qarşılaşıb. Matç paytaxt təmsilçisinin 1:2 hesablı məğlubiyyəti ilə başa çatıb. Matça start heyətdə çıxan Subaşiç sonadək mübarizə aparıb.

Qeyd edək ki, “OFK Belqrad” hazırda 6 xalla 16 klub arasında 11-ci pillədə qərarlaşıb.