“Kimyaçılar”a bütün oyunlarda qol vurublar

Mayın 11-də premyer liqada mövsümə yekun vurulacaq. Allsport.az saytı xəbər verir ki, çempionata səfərdə yekun vuracaq “Qəbələ” Sumqayıtda eyniadlı komandanın qonağı olacaq. Bu, sözügedən komandanın “Sumqayıt”la 28-ci oyunu olacaq.

Mayın 19-da Azərbaycan kubokunun Naxçıvanda keçiriləcək finalında da üz-üzə gələcək rəqiblər indiyədək yalnız Premyer Liqada görüşüblər. Əvvəlki matçlarda 17 dəfə qalib gələn “qırmızı-qaralar” 8 heç-heçə edib və yalnız 2 dəfə uduzub.

Bütün oyunlarda rəqib qapısına yol tapan “Qəbələ” heç vaxt meydanı qolsuz tərk etməyib. Top fərqində “qırmızı-qaralar” böyük üstünlüyə malikdi – 47:20. “Sumqayıt”la görüşlərin ən yaxşı bombardiri Viktor Mendi 7 dəfə rəqib qapısına yol tapıb. 

“Qəbələ” səfər qarşılaşmalarında da üstün durumdadı. Rəqib meydanındakı 13 oyunda 6 qələbəsi olan “Qəbələ” 5 dəfə sülhlə kifayətlənibsə, 2 dəfə səfərdən xalsız ayrılıb. Bu görüşlərdə qonaqlar 21, ev sahibləri 13 qol vurublar.

Həmin kateqoriyadan