“Sumqayıt”da ilk keçid

Yeni mövsüm üçün transfer çalışmalarına start verən “Sumqayıt” ilk futbolçunu alıb.

Allsport.az saytı xəbər verir ki, son mövsümü “Zirə”də keçirmiş Vüqar Mustafayevlə 1-illik sözləşilib. O, 6 nömrəli geyimdə çıxış edəcək.

Yarımmüdafiəçi “Zirə” ilə yanaşı (79 oyun, 1 qol), “Bakı” (16 oyun), “Simurq” (13 oyun) və “Qarabağ”ın (6 oyun) uğurları üçün çalışıb. 

U-21 (8 oyun) və “A” millimizin də (1 oyun) formasını geyinmiş Vüqar U-23 millimizin heyətində 4-cü İslam oyunlarının qalibi olub.