UEFA əmsalında irəlilədik

Avrokuboklarda qrup mərhələsinin 4-cü turundan sonra yeni reytinq açıqlanıb. Allsport.az xəbər verir ki, “Qarabağ” konfrans liqasının “H” qrupunda səfərdə “Kayrat”ı məğlub etməklə (2:1), ölkəmizin hesabına daha 0,500 xal yazdırıb. 

Bundan əlavə, “köhlən atlar” qrupdan çıxmağı təmin etdiyi üçün, aktivimizə əlavə 0,250 xal əlavə olunub. Beləliklə, 2021/22 mövsümdə Azərbaycanın xal sayı 4,125-ə, son 5 mövsümdə ümumi xal sayı isə 16.750-ə çatıb.

Ağdam klubunun bu qələbəsindən sonra, Azərbaycan Rumıniyanı arxada qoyub və 1 pillə irəliləyərək, 25-ci yerə yüksəlib.