“Ürəkdən və əbədi qürurla ayrılıram”

Allsport.az saytı xəbər verir ki, “Real”ın müdafiəçisi Daniel Karvaxal bu mövsümün sonunda klubdan ayrıldığını açıqlayıb: “Bu kluba hər şeyimi verdiyimi bilərək, ürəkdən və əbədi qürurla ayrılıram”.

34 yaşlı futbolçu 2002-ci ildə “qalaktikos”a qoşulub və 10 il gənclər, 13 mövsüm isə əsas komandada oynayıb.

O, “Real”da 450 matç keçirib, 14 qol vurub və 27 kuboku başı üzərinə qaldırıb, o cümlədən 6 dəfə çempionlar liqası titulunu qazanıb.