“Xankəndi”nin qış hazırlıq planı

2-ci liqanın 2-ci dövrəsinə hazırlıqlarını davam etdirən “Xankəndi” 15 yanvarda bir araya gələcək və paytaxtda yerləşən “Neftçi baza”da 10 günlük təlim-məşq keçəcək. Allsport.az saytı xəbər verir ki, toplanış çərçivəsində 4 yoxlama oyununun keçirilməsi nəzərdə tutulub.

Hazırlıq həm fiziki, həm də taktiki baxımdan komandanın 2-ci dövrədə yüksəlməsinə xidmət edəcək. Təlim-məşq eyni zamanda seleksiya xarakteri daşıyacaq. Bu müddət ərzində məşqçilər heyəti tərəfindən yeni futbolçuların baxışdan keçirilməsi nəzərdə tutulur.

Yeni transferlərlə bağlı əlavə məlumatlar klubun mətbuat xidməti tərəfindən ictimaiyyətə təqdim olunacaq.