Yan Kopiç: “Qarabağ”ı qiymətləndirməməkdən söhbət gedə bilməz

Çex Respublıikasının “Viktoriya” klubunun futbolçusu Yan Kopiç Çempionlar Liqasının 3-cü təsnifat mərhələsinin cavab oyunu öncəsi fikrini açıqlayıb. Allsport.az saytı xəbər verir ki, yarımmüdafiəçi “Qarabağ”a qarşı keçirəcəkləri görüş barədə bunu deyib:

“Geniş heyətimiz var. Odur ki, baş məşqçimizin cavab oyununda heyətlə bağlı hansısa dəyişiklik etməsi mümkündür. Hər bir futbolçu oynamaq, özünü göstərmək istəyir. Rəqibi qiymətləndirməməkdən söhbət gedə bilməz. Cavab oyununda da hər birimiz maksimum güc sərf edəcəyik. Qələbə qazanmaq istəyirik”.