“Yaxşı oynadıq və yeni təcrübə qazandıq”

“İstədiyimizin alındığını hesab edirəm.”

Allsport.az xəbər verir ki, bunu “Malmö”nün baş məşqçisi Henrik Ryüdström deyib.

O, Avropa liqasının ikinci turunun “Qarabağ”la matçında qazanılan 2:1 hesablı qələbəni şərh edib: 

“Dünən də söyləmişdim, rəqib güclüdür. Oyunun çətin olacağını bilirdik. Taktikanı elə qurduq ki, “Qarabağ”ın hücumuna əks-hücumla cavab verək. 

İstədiyimizin alındığını hesab edirəm. Biz qələbəyə layiq idik. “Qlazqo Reyncers” ilə görüşdən razı qalmamışdım. Bu gün yaxşı oynadıq və yeni təcrübə qazandıq”.