“Yaxşı oyun keçirdik”

Enzo Mareska “Çelsi”nin “Ayaks”a qarşı oyunundan razı qalıb.

Allsport.az xəbər verir ki, çempionlar liqasının üçüncü turunda “zadəganlar” rəqib üzərində 5:1 hesabı ilə qalib gəlib.

“Futbolçularımdan çox razıyam. Yaxşı başladıq, amma rəqibin qırmızı vərəqəsi oyunu dəyişdi. Yaxşı oyun keçirdik. Daha çox qol vura bilərdik.

On kişi ilə oynamaq çətindir. Biz bunu yaxşı bilirik. 48 saat sonra “Sanderlənd”lə daha bir çox vacib oyunumuz var”, – Mareska bildirib.