Yığmamızın yarımmüdafiəçisi 90 dəqiqə oynadı, “Fortuna” məğlub oldu

Almaniya Qərb Regional Liqasında 4-cü turun oyunları keçirilib. Allsport.az xəbər verir ki, Azərbaycan yığmasının yarımmüdafiəçisi Toğrul Əratın komandası – “Fortuna”nın 23 yaşlıları da növbəti matçına çıxıb.

Düsseldorf təmsilçisinin ikinci komandası səfərdə “Rödinqhauzen”lə qarşılaşıb. Görüş futbolçumuzun 0:1 hesablı məğlubiyyəti ilə başa çatıb. Start heyətdə meydana çıxan Ərat sonadək mübarizə aparıb.

Qeyd edək ki, Toğrulun komandası hazırda 5 xalla 19 klub arasında 7-ci pillədə qərarlaşıb.