“Zirə”nin oyunu yunanıstanlı hakimlərə həvalə olundu

“Zirə”nin konfrans liqasının 2-ci təsnifat mərhələsi çərçivəsində evdə “Hayduk”a (Xorvatiya) qarşı keçirəcəyi oyuna hakim təyinatı açıqlanıb.

Allsport.az xəbər verir ki, iyulun 23-də Bakıda baş tutacaq görüşü yunanıstanlı hakimlər briqadası idarə edəcək.

Baş hakim Xristos Vergetisə yan xətt hakimləri Andreas Fotopoulos və Konstantinos Staikos köməklik edəcək. Dördüncü hakim isə Anastasios Papapetrou olacaq.