“Zirə”yə qarşı hazırlıq

“Neftçi” 11-ci turda “Zirə” ilə oyunun hazırlığına başlayıb. Allsport.az saytı xəbər verir ki, “Keşlə” ilə görüşdən (1:0) sonra birgünlük fasiləyə buraxılan komanda, İsmət Qayıbov adına bazada məşqə çıxıb.

Çalışmada zədəli Ruslan Abışov və Məhəmməd Mirzəbəyovdan başqa, bütün futbolçular iştirak ediblər. Hazırlıq bu gün bir məşqlə davam edib.

Bu klubların oyunu noyabrın 10-da “Bakcell arena”da keçiriləcək.