“Neftçi”dən 500-cü qələbə 

Allspot.az xəbər verir ki, yubiley premyer liqanın 26-cı turuna təsadüf edib. “Ağ-qaralar” səfərdə “Şamaxı”nı 1:0 hesabı ilə üstələyib.

Bakı klubu ölkə çempionatındakı 879-cu matçında “500”ə çatıb. Evdə 276, səfərdə 217, neytral meydanda 7 dəfə qalib gəlib.

Bütün çempionatların iştirakçısı olan “Neftçi” ilk qələbəsini 1992-ci ildə qazanıb. Mayın 8-də Sumqayıt “Xəzər”i ilə görüşdə 1:0 üstün olub.

“Neftçi” qələbə sayında yalnız “Qarabağ”dan geri qalır. Rekordçu olan “köhlən atlar” 505 dəfə rəqibini məğlub edib.