Birinci divizion klubları da cəriməsiz qalmadı

Bu gün AFFA İntizam Komitəsinin növbəti iclası keçirilib. Allsport.az xəbər verir ki, aparılan müzakirələrdən sonra 1-ci divizionun 13-cü turunun oyunları ilə bağlı aşağıdakı qərarlar qəbul olunub:

“Şuşa” – “Energetik” matçının 48-ci dəqiqəsində “Energetik”in futbolçusu Pərviz Hüseynov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb, klubu 20 manat cərimə olunub.

MOİK – “Bakılı” matçında “Bakılı”nın 4 futbolçusu sarı vərəqə ilə cəzalandığı üçün klub 100 manat cərimə olunub.

“Lokomotiv” – “Mil-Muğan” matçının 33-cü dəqiqəsində “Lokomotiv”in futbolçusu Rəsul Teymurxanlı ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu 20 manat cərimə olunub.

Həmin kateqoriyadan